موضوع: معلومات عن ماسنجر بلس الثلاثاء ديسمبر 30, 2008 5:49 am
ا لكل يعرف ماسنجر بلس الماسنجر الاكثر من رائع ودي اليوم اقدم لكم معلومات بسيطه عن ماسنجر بلس
بعد ما تثبتي ماسنجر بلس يمكنك الدخول باكثر من اميل في نفس الوقت يعني قصة تحميل ماسنجر ثاني انتهت
اكيد طفشتي من الحالات مشغول بالخارج وووووو يمديك تغير الحاله وتكتبي الي تبين مع بلس........
اولا :الكل يحمل ماسنجر بلس عشان النكات الملونه وهذي اول مميزات ماسنجر بلس
ثانيا:من القائمه الاساسيه للماسنجر تلقين بلس اضغطي عليه بتفتح لك نافضه مكتوب فيها
قفل الماسنجر تنظيف قائمة جهات الاتصال جهات الاتصال على سطح المكتب قارئ سجلات المحادثات مكتبة الاصوات الاعدادات
راح اشرحها وحده وحده
قفل الماسنجر:" يعطيك خاصية تقفل الماسنجر حتى بإختصار للكيبورد و بعد يقدم لك خيار انك تحطين رقم سري لإستعادة الماسنجر " فتحه من جديد "
طبعا قفل الماسنجر ما يسوي تسجيل خروج لا .. بس اللهم كأنك ضاغطه على علامة الإكس اللي فوق
تقدرين تحطين لها اختصار بالكيبورد او انك تسويها بهالطريقة
من قائمه بلس
نضغط على " قفل الماسنجر "
طبعا اذا حطيتوا " رقم سري للإستعاده " اول ما تضغطون على ايقونة الماسنجر دبل كليك بالماوس راح يطلب الباسوورد
يعني ارتاحي لا رحتي عن الجهاز و استخدمتي قفل الماسنجر برقم سري .. مافيه ملقوف بيفتح ماسنجرك ويتفرج عليه
تنظيف قائمة جهات الاتصال:
راح تلقين ( اسم جهات الاتصال_ البريد- اخر اتصال- اخر محادثه- انت عنده)
الاسم اتوقع واضح والبريد
اخر اتصال :اخر مره كان موجود فيها
اخر محادثه :اخر سواليف صارت
انت عنده : وهي هل الجهه المضافه موجود اميلك عندها ولا حذفتك اذا موجوده يطلع نعم واذا انحذفتي لا.
جهات الاتصال على سطح المكتب:
اي احد عندك على الماسنجر ودك دايم تشوفين جهة اتصالها على طول في وجهك وين ما تروحين ابد حطي علامه صح في المربع الي جنب اسمها ما تروح عن وجهك وين ما تروحين يبقا مستطيل مجرد الضغط عليه تفتح المحادثه معها.
قارئ سجلات المحادثات:
الكل المحادثات الي حفظتينها تلقينها هنا ونشرح طريقه الحفظ
مكتبة الاصوات:اكيد مليتي من الصوت الموحد لماسنجر يمديك تدخلين اصوات لكل جهة اتصال من هنا
ننتقل الى الاعدادات وهي اهم ما في ماسنجر بلس
الاعدادات: العام : ومنه تختارين لغة الماسنجر
كلمة السر ومنها تختارين كلمه سر للماسنجر
تنبيه التحديث ومنه تختارين التنبيه عند وجود تحديث
الاعدادات>>>>ماسنجر من منها يمكنك ضبط خاصية فتح اكثر من ماسنجر
والتحكم في شاشه المحادثه
وتشغيل الاختصارات
ويوجد في قائمه الماسنجر على اليمين اكثر من خيار ومن اجمل المميزات هو ميزة ميزه تسجيل الاحدات
ومنها تعرفين وش صار لحظه وجودك بالخارج مين دخل ومين غير حالة الاتصال .......
ننتقل الى المحادثات:
تلقين على اليمين اكثر من خيار باشرح اهم شيئ فيه
اولا: تسجيل المحادثات من هنا يمديك تحفظين المحادثات الي صارت لك في الماسنجر ويمديك تلغين هذي الخاصيه
ثانيا: النصوص السريعه منها تقدرين تسوين اختصارات بدل ما تكتبين السلام عليكم ورحمة الله وبركاته كل مره سوي لها اختصار س1 تثبت لك على طول
يوجد اشياء اخره ولكن هذا اهم شيئ في المحادثات اتوقع
اتمنى ان الموضوع ينال اعجابكم و ان شاء الله اشوف ردودكم الحلوة